Finamiras

L'Uniun svizra da l’artisanadi, è in’uniun. Ella ha la finamira da mantegnair e da promover las tecnicas da procedura artisanalas e las enconuschientschas professiunalas.

Lavurs manualas e lavurs a maun cun textilias
L’instrucziun manuala duai vegnir meglierada e promovida, ulteriuras reducziuns na vegnan betg pli acceptadas. Influenzar las Scolas autas da pedagogia, ils departaments da furmaziun ed ils purtaders da decisiuns politics è ina da nossas finamiras per pudair dar era vinavant la schanza als umans giuvens en noss pajais da trenar il chau ed il maun per lur vita da creschì.

Furmaziun professiunala e scolaziun supplementara
Nus vulain midar la nova ordinaziun da furmaziun per che tut las professiuns hajan las medemas schanzas da vegnir emprendidas. Nus sentenziain la destrucziun da professiuns sco vaschler, culader da zin, creadra da textilias per taisser a maun, furnader, fravi ed autras sin fundament d’ina nunsavida dals purtaders da decisiuns tar il Secretariat da stadi per l’economia (SECO), l’Uffizi federal da furmaziun professiunala e da tecnologia, sco era tar ils responsabels en ils chantuns.
I sa tracta da mantegnair las abilitads artisanalas, senza las qualas nus na vegnin a perder betg mo parts impurtantas dal martgà, ma na vegnin era betg ad esser en il cas da mantegnair nossa ierta culturala materiala.

Innovaziun
Innovaziun è dapli che acquistar ina fresa CNC. Innovaziun vul dir da tschertgar novas schliaziuns, novs martgads e novs products senza avair da renunziar a la savida emprendida. Il cuntrari! Precis questa savida è quai che ans vegn a gidar en l’avegnir. L’uniun sustegna projects innovativs ed interpresas e renda enconuschent quels als commembers.

Politica regiunala
L’artisanat presta in servetsch impurtant en il svilup da la regiun.
L’uniun renda attent a quai cun occurrenzas e sustegna projects che reuneschan l’artisanadi ed il svilup da la regiun.

Societad
L’uniun sensibilisescha la politica e la societad per l’artisanadi e per products artisanals.
Nus cumbattain activamain la mentalitad „spargnar è popular“ cun agid d’occurrenzas, acziuns e relaziuns da partenadi cun projects, manaschis ed organisaziuns che resguardan la duraivladad. Nus faschain activamain lobing tar ils purtaders da decisiun da la politica ed economia.

Servetschs
Nus vulain facilitar l’administraziun per las bleras pitschnas gruppas d’interess artisanalas ed uniuns cun porscher ad ellas divers servetschs favuraivels.

Rait
La rait è in da noss instruments principals.
Nus colliain ils commembers in cun l’auter.
Nus colliain ils commembers cun persunas dal fatg da las pli differentas professiuns.
Nus colliain projects.